19 Mar 2020

Full-Time OLGETA NOTIS BLONG VEKENSI

Vanuatu National Audit Office –  Port Vila, Efate

Job Description

Stratejik Visen blong Ofis blong Odita-Jenerol hemi blong givim wan gudfala model blong wok mo niu tingting long olgeta seves blong odit long Rijen blong Pasifik. Misen blong hem i blong provaedem seves blong odit we bae i promotem gudfala gavanens mo divelopem transperensi mo akaontabiliti long pablik sekta.

Blong givhan blong ajivim stratejik visen ia, ofis blong Odita-Jenerol i wantem rikrutum olgeta man blong tekemap olgeta posisen andanit ia.

Olgeta infomesen blong Posisen

1. Odita

Odita hemi responsibol blong mekem plan, oganaesem, rikodem mo supavaesem wok blong tim blong odit long evri dei blong mekem faenansol odit blong VNAO.

Posisen: Odita
Namba blong Post: 3057
Gred: PS 8.1
Salari long wan Yia: VT 2,693,000 moa olgeta narafala alaoens

Kraeteria we oli wantem:

Kwalifikesen
Yunivesiti Digri long Bisnis Faenans, Akaonting o Komes we i kamaot long wan institusen we oli luk save.

Spesel Bisnis Edukesen
Faenans, Akaonting o Komes.

Eksperiens
Bambae i gud tumas sapos man ia i gat 5 yia experiens long akaonting o eksperiens long oditing blong Pablik sekta.

Spesel Skil
Gat bigfala save long ISSAI, IPSAS, IFRS.
Gat save mo andastanem gud olgeta Akt mo Regulesen blong Pablik Faenans;
Save wok long komputa, inkludum ful MYOB akaonting.

Stael blong tingting
Save analaesem samting, save solvem problem, save wok hem wan, gat niu tingting oltaem.

Komunikesen/Intapesonol Skil
Gat hae level blong komuniket long raeting mo long toktok.

Fasin
Hae standed blong morol, hemi oganaesem gud hem, man i save dipen long hem, hemi hones.

Langwis
Save toktok gud Bislama mo English o French.

Olgeta infomesen blong Posisen

2. 2 Asisten Odita

Posisen blong Asisten Odita hemi blong asistim olgeta odita blong mekem odit blong komplaens, faenansol mo investigesen blong VNAO.

Posisen : Olgeta Asisten Odita
Namba blong post: 3062 & 3063
Gred : PS 5.4
Salari long wan yia : VT 1,694,700 moa ol narafala alaoens

Kraiteria blong seleksen:

Kwalifikesen
Yunivesiti Digri long Bisnis Faenans, Akaonting or Komes we I kamaot long wan institusen we oli luk save.

Spesel Bisnis Edukesen
Long Faenans, Akaonting or Komes.

Eksperiens
Man ia i gat 2 o 3 yia eksperiens long akaonting o oditing; Bambae i gud tumas sapos man ia bin wok intensip long VNAO.

Spesel Skil
Gat save long ISSAI, IPSAS, IFRS;
Andastanem olgeta Akt mo Regulesen blong Pablik Faenans;
Save wok long komputa, includum ful MYOB akaonting.

Stael blong tingting
Save analaesem samting, save solvem problem, save wok hem wan, gat niu tingting oltaem
Komunikesen/Intapesonol Skil
Gat hae level blong komuniket long raeting mo long toktok.

Fasin
Hae standed blong morol, hemi oganaesem gud hem, man I save dipen long hem, hemi hones.

Langwis
Save toktok gud Bislama mo English o French.

How to Apply

Ofis blong Odita-Jenerol bae givim ful infomesen blong olgeta vekensi ia inkludum olgeta diuti mo responsibiliti mo olsem wanem blong sendem aplikesen long eni man.

Man we hemi intres, hemi save kasem moa infomesen long Ofis Maneja long Ofis blong Odita-Jenerol o kolem telefon namba 33085 / VoIP namba 2254.

Man mo woman i save aplae.

Yusum Job Aplikesen Fom (PSC Form 3-2) blong aplae, raetem ‘SIKRET’ mo sendem i go long Odita-Jenerol, Ofis blong Odita-Jenerol, PMB 9037, Port Vila.

Aplikesen i klos long Fraedei 10 Eprel 2020 long 5.00pm.

Cleb Sandy
ODITA JENEROL

Job Categories: Accounting. Job Types: Full-Time.
Closes 11/04/2020

1294 total views, 5 today

Apply for this Job

Your submission is being processed. Please do not close this page.

For further information on the above job please contact the employer or recruitment agency directly.
X

Menu